Гимры
Поделиться
01 Янв 2010 г.
Дун жаний гьаюраб, дун жаний гIураб
ГIагараб дир росдал къисмат бицинищ,
Жибго цIакъ гьитIинаб, гьунар кIудияб
Имамзабазул ракь буго рехсолеб.
Дур хIакъалъулъ хъвазе гIемераб буго,
ГIеларо дир къуват кинабго хъвазе.
Щибго хъвачIониги, бицинчIониги,
Берда цебе буго «гендерил сангар».
ГъазимухIамадгун дов Имам Шамиль
ШаригIатги цIунун рагъараб росо,
Эл асир гьаризе боялги рачун
ГIурус «пача» ваIун чурхъараб росо.
ТIаде къо кканиги къватIий рахъине
КъвакIарал васазул цIар бугеб росо,
Рагъде росалги ун рокъор хутIарал
Руччабаца ярагъ борчараб росо.
Тущманасе хIелун хIалихьатаб цIар,
Тарихалда течIеб имамасул рукъ.
Дуй квешлъи гьабизе къватIив вахъарав
Мурадалде щвечIеб Шамилил ватIан.
Дур бахIарчилъиги, дур гьунаралги
Гьаб историялда гIемераб хъвана.
Къоло щуго соналъ хвалчен борхарав
Къуватав Шамилил цIар кибго хъвана.
Лъабго имам вахъун чIухIараб росо
ЧIунтизе биччаге къвакIарал васал,
Умумуз нужехъе цIунизе кьураб
ЦIуне «ясбер» гIадин гIагараб росо!
На снимке: Имам Шамиль с сыновьями, 1861 г.
Поделиться
01 Янв 2010 г.
Похожие статьи
Первая в Унцукульском районе светская школа была открыта в селении Гимры. Первоначально, в течение четырех лет школа функционировала в доме...
Дек 2017 г.
Туристов и путешественников в Дагестане много. Хотя регион до сих пор не может избавиться от имиджа «очень опасного», туда активно едут и...
Июн 2017 г.
Комментарии к статье