Испик
Поделиться
01 Янв 1970 г.
Лезгийрин са риваятда икI лугьузва: "Садра Къубадай пуд лезги кьегьал душмандихъ галаз женг чIугуна яргъариз акъатнай: Абур стхаяр тир. Векер, Гьезер, Нишкер. Чапхунчияр чукурай пуд стхади пуд чкадал пуд хуьруьн бине кутунай. Векера вичин хуьруьз Шандагь, Гьезера Гьезерхуьр, Нишкера Испик тIвар ганай. Монголри чи чилериз басрух гайила и хуьрер чукIурнай..."
Вахтар алатна. Испикрин хуьр XIII-XIV виш йисара хъенчIин къапар расдай меркездиз элкъвена ва виринриз сейли хьана. Испикви устIарри расай къапар неинки Къафкъаздин, гьакIни Рагъ экъечIдай патан уьлквейрин савдагаррини гьевесдалди къачудай. Куьгьне Испика исятдани "Куьм" тIвар алай куьче ава. "Куьм" устIарри хъенчIин къапар кана арадиз гъун патал раснавай къулаз лугьудай. 1966-йисан залзала себеб яз Дагъустандин Испик хуьруьн агьалийрин са паяр "Дугун" лугьудай чкадиз куьч хьана ва ина цIийи хуьруьн бине кутуна.
Гила Дагъустанда Куьгьне Испик ва ЦIийи Испик тIварар алай кьве хуьр ава. Къубада авай Испик хуьруьни вичин тIвар хвенва.
Поделиться
01 Янв 1970 г.
Похожие статьи
Предгорное село Испик в Республике Дагестан с древних времен славилось гончарных дел мастерами, но с течением времени, былая слава лучших...
Авг 2018 г.
Программа посещения Сулейман-Стальского района начиналась с цеха испикской керамики и дома мастера-гончара, куда мы отправились сразу же...
Окт 2013 г.
Комментарии к статье